Músíktilraunir 2020 falla niður vegna COVID-19. Þetta kemur fram í fréttatilkynningu frá aðstandendum keppninnar.
„Eftir mikla umhugsun hefur sú erfiða ákvörðun verið tekin að Músiktilraunir 2020 falla niður vegna COVID-19. Allt frá upphafi Músíktilrauna 1982 hafa þær einungis fallið einu sinni niður en það var árið 1984 vegna verkfalls kennara sem í ljósi núverandi aðstæðna virkar frekar lítilfjörlegt.
Við vonumst til að Músíktilraunirnar 2021 verði á sínum stað á vordögum og komi bara enn sterkari til leiks inn í tónlistarsenu landsins á sama tíma og þær fagna 40 ára tilveru sinni.
Við vonum innilega að þið eigið gott tónlistarár og hlökkum mikið til að sjá ykkur á næsta ári.
Með sorg en sumarsól í hjarta
ROCK ON NÚ OG AÐ EILÍFU!
Bestu kveðjur,
Starfsfólk Músíktilrauna“
