Margir hverjir virðast ósáttir með kjörseðlanna í forsetakosningunum sem nú fara fram. DV hefur fengið þónokkrar ábendingar vegna seðilsins, en sumum finnst ekki nægilega skýrt hvernig er rétt að merkja við þann frambjóðanda sem fólk vill kjósa.
Sjá einnig: Segir að vitlaus staðsetning X-ins þurfi ekki að skipta máli
Ýmsir kjósendur sem blaðamaður hefur rætt við telja sig hafa óvart ógilt atkvæði sitt, til dæmis með því að setja X fyrir aftan nafn frambjóðanda, undir það, yfir það eða hring í kringum það. DV fékk þær upplýsingar frá fulltrúa kjörstjórnar að það ógilti atkvæðið að setja x annars staðar en fyrir framan nafn frambjóðanda.
Blaðamaður hefur fengið að heyra þó nokkrar sögur frá ungu fólki sem er að kjósa í fyrsta eða annað sinn og telur sig mögulega hafa skilað ógildum atkvæðum vegna þessa.
Í Kórnum, Kópavogi er kjörstaður. DV hefur heimildir fyrir því að fólk sem er í kjörstjórn þar hafi beðið kjósendur afsökunar vegna seðlanna sem mistökin við framkvæmdina „klúður“.
Einn kjósandi sagðist hafa sett X undir nafn frambjóðanda og síðan spurt hvar maður ætti að setja X-ið, fengið svör um að það væri fyrir framan nafnið. Manneskjan fór þá inn og setti líka X fyrir framan og skilaði því seðlinum með tveimur X-um.
Áhugavert verður að sjá fjölda ógildra atkvæða þegar að tölur fara að berast í kvöld. Þau gætu orðið talsvert fleiri en vanalega.
UPPFÆRT
Í þessari frétt sagði áður að það ógilti atkvæðið ef X-ið væri annars staðar en fyrir framan nafn frambjóðanda, eins og DV hafði fengið upplýsingar um hjá fulltrúa í kjörstjórn. Hið rétta er að það veldur ekki sjálfkrafa ógildingu. Sjá:
Sjá einnig: Segir að vitlaus staðsetning X-ins þurfi ekki að skipta máli
Erla S. Árnadóttir, formaður yfirkjörstjórnar í Reykjavíkurkjördæmi norður segir við RÚV að þó að fólk hafi ekki gert líkt og segir til um í lögum, þá sé það vilji kjósenda sem ráði. Það verður til þess að hafi maður sett X á rangan stað þá gæti atkvæðið enn verið gilt.
„Svo er sjónarmið um að vilji kjósandans eigi að ráða. Það hefur heilmikið að segja. … Jafnvel þó að hann [krossinn] sé ekki beint fyrir framan, þó hann sé fyrir aftan, veldur það ekki endilega ógildi.“ sagði Erla við RÚV.
