Í dag greindi DV frá því að margir væru ósáttir með kjörseðlana í forsetakosningunum sem fram hafa farið í dag. Kjósendum fannst mörgum hverjum kjörseðlar og leiðbeiningar óskýrar. DV fékk ábendingar frá fólki sem taldi sig óvart hafa ógilt kjörseðilinn.
Athugið: Rétt er að setja X fyrir framan nafn frambjóðanda.
Erla S. Árnadóttir, formaður yfirkjörstjórnar í Reykjavíkurkjördæmi norður segir við RÚV að þó að fólk hafi ekki gert líkt og segir til um í lögum, þá sé það vilji kjósenda sem ráði. Það verður til þess að hafi maður sett X vitlaust þá gæti atkvæðið en verið gilt.
„Svo er sjónarmið um að vilji kjósandans eigi að ráða. Það hefur heilmikið að segja. … Jafnvel þó að hann [krossinn] sé ekki beint fyrir framan, þó hann sé fyrir aftan, veldur það ekki endilega ógildi.“ sagði Erla við RÚV.
SJÁ Einnig: Kjörseðlaklúður í kosningunum – Báðust afsökunar á kjörstað
Vegna vandræða dagsins verður að teljast líklegt að þeir sem að telji atkvæðin verði gjafmildir og leyfi fólki að njóta vafans sé vilji þeirra skýr. Þó er ekki hægt að útiloka að hönnun seðilsins muni hafa einhver áhrif á niðurstöðurnar. Þá er áhugavert hvernig það er túlkað ef aðeins eitt X er sett á kjörseðil en það hafi komið yfir nafn frambjóðanda.
Í seinustu kosningum voru ógild atkvæði 622.