Stoðtækjaframleiðandinn Össur og Seglagerðin Ægir framleiddu á methraða flutnings- og einangrunarhjúp sem notaðir eru til að flytja Coveid smitaða einstaklinga.
„Það liðu aðeins nokkrir dagar frá því að við fengum fyrirspurn frá Landspítalanum í að við afhentum fyrsta hjúpinn,“ segir Edda Heiðrún Geirsdóttir forstöðumaður samskiptasviðs Össurs sem afhenti í dag fyrsta hjúpinn.
„Landspítalinn leitaði til okkar þar sem þeir áttu ekki nægilega marga hjúpa og afhendingartími á slíkum hjúpum erlendis frá er óljós sökum eftirspurnar. Sérfræðingar frá Landspítalanum leiðbeindu okkar fólki með staðla og annað slíkt en við gátum stuðst við hönnunina erlendis frá og góður hópur fólks gekk í málið og afgreiddi þetta á mettíma. Einn hjúpanna fer norður og svo verða fleiri afhentir fyrir á næstu dögum,“
segir Edda en starfsmenn fyrirtækisins og tengdra fyrirtækja sem komu að framleiðslunni unnu dag og nótt við að koma frá sér vönduðu verki á mjög skömmum tíma.
„Þetta var unnið mjög hratt en Össur gefur allan búnað og vinnu við hjúpana í von um framlagið nýtist á þessum fordæmalausu tímum,“segir Edda Heiðrún stolt af sínu fólki.
Björgvin Jóhann Barðdal hjá Seglagerðinni Ægir tekur í sama streng en fyrirtækið sá um að sjóða saman samskiptin á hjúpunum enda engin venjulegur saumaskapur sem dugir ef tryggja á einangrunina.
„Það var ánægjulegt að við Seglagerðarmenn og konur gátu aðstoðað Össuramenn í að framleiða hjúpinn,“ segir Björgvin sem hefur komið nálægt ótrúlegustu verkefnum á ferlinum. Allt frá Evróvisjón búningum upp í risatjöld og nú það nýjasta: einangraðir ferðahjúpar.
