Árið var viðburðaríkt hjá veitingamanninum Sigmari Vilhjálmssyni, eða Simma eins og hann er oftast kallaður. Simmi seldi til að mynda allan hlut sinn í rekstri Keiluhallarinnar í Egilshöll og Hamborgarafabrikkunni um mitt árið en Jóhannes Stefánsson í Múlakaffi keypti hluti hans. Kom þetta mörgum í opna skjöldu, enda Hamborgarafabrikkan hugarfóstur Simma og vinar hans, Jóhannesar Ásbjörnssonar, hins hlutans í tvíeykinu Simmi og Jói.
Í framhaldinu fóru Simmi og Skúli Gunnar Sigfússon, kenndur við Subway, í hár saman fyrir dómstólum þar sem Simmi vann. Snerist málið um ósætti milli Skúla og Simma um ferðaþjónustuverkefni á Hvolsvelli. Til að bæta gráu ofan á svart þá skildi Simmi eftir tuttugu ára samband á árinu en fann ástina fljótt í örmum lögfræðingsins Elínar G. Einarsdóttur. Simmi hefur einnig verið duglegur að tjá sig um málefni líðandi stundar og er oft nefndur samfélagsrýnir, bæði af þeim sem eru honum sammála og hinum. Um mitt þetta ár var hann síðan ráðinn talsmaður nýs félags í eigu svína-, eggja- og kjúklingabænda.
Laun: 1.402.628 kr.
Allt um tekjur yfir tvö þúsund Íslendinga í Tekjublaði DV.
