Allt flug um Gatwick flugvöll í Lundúnum, einn fjölfarnasta flugvöll heims, hefur verið stöðvað og er bilun í búnaði tengdum flugumferðarstjórn kennt um. Nánari fréttir hafa ekki borist en vélum sem áttu að lenda á Gatwick hefur verið beint til annarra nálægra flugvalla. Engin vél fer í loftið frá vellinum eins og staðan er núna.
Talsmaður Gatwick flugvallar sagði fyrir nokkrum mínútum að vart hefði orðið við bilunina á sjötta tímanum í dag og allt flug hefði verið stöðvað til klukkan 21 í kvöld. Staðan verður síðan endurmetin þegar nánari upplýsingar liggja fyrir.
