Lögreglan á höfuðborgarsvæðinu framkvæmdi átta húsleitir í umdæminu seint í fyrrinótt og í gærmorgun, meðal annars á skemmtistað í miðborginni, vegna grunsemda hennar um umfangsmikla brotastarfsemi.

Lagt var hald á gögn, búnað og fjármuni, en öll málin tengjast. Höfð voru afskipti af tuttugu og sex einstaklingum og voru tíu þeirra færðir á lögreglustöð til yfirheyrslu, en síðan sleppt úr haldi að þeim loknum.

Fjöldi lögreglumanna og starfsmanna frá embætti skattrannsóknarstjóra tóku þátt í aðgerðunum og gengu þær vel fyrir sig. Rannsókn lögreglu er unnin í samvinnu við embætti skattrannsóknarstjóra.

Fram kemur í tilkynningu frá lögreglu að sannsókn málsins sé  á frumstigi.