Tekjublað DV kom út á miðvikudaginn og í því voru upplýsingar um mánaðarlaun fjölmargra, landsþekktra Íslendinga, byggðar á upplýsingum um útsvar úr álagningarskrá. Tekjur og laun hafa verið áberandi í þjóðfélagsumræðunni í ár. Stéttarfélög börðust fyrir því að hækka lágmarkslaun í 450 þúsund á mánuði en í dag eru þau um 300 þúsund. Blaðamaður fór á stúfana og spurðist fólk hvað það teldi útborguð laun almennt þurfa að vera há, svo hægt sé að lifa mannsæmandi lífi. Allir viðmælendur blaðamanns virtust sammála um að sú fjárhæð væri töluvert hærri en lágmarkslaun.

500 þúsund – Snorri og Molly

Það er alls ekki nóg, sem ég fæ núna, til að borga húsaleigu og þá er bara orðið lítið eftir. Það þyrftu að vera allavega 500 þúsund til að lifa mannsæmandi lífi. – Jakob

Ég held að ef þú átt fjölskyldu, bíl og hús þá væru það svona 500 þúsund útborgaðar, að lágmarki- Hugo

Verandi kominn á eftirlaun, verandi ekki einn í heimili. Þá hugsa ég að ég þyrfti svona 450–500 þúsund til að standa undir öllum skuldbindingum og slíku. – Eiríkur