Birgir Sigurðsson, rithöfundur og leikskáld, lést á Landspítalanum í Fossvogi föstudaginn 9. ágúst. Birgir var á 82. aldursári en hann var afkastamikið skáld og eftir hann liggur fjöldi verka.
Greint er frá andláti Birgis í Morgunblaðinu í dag.
Þekktasta leikverk Birgis er án vafa Dagur vonar sem frumsýnt var árið 1987. Hans fyrsta verk, Pétur og Rúna, vakti einnig mikla athygli og vann 1. verðlaun í samkeppni Leikfélags Reykjavíkur árið 1982.
Auk þess að vera afkastamikið skáld þýddi Birgir einnig leikrit og skáldsögur, til dæmis Glerbrot eftir Arthur Miller og Köttur á heitu blikkþaki eftir Tennessee Williams.
Birgir var gerður að heiðursfélaga Rithöfundasambands Íslands í maí síðastliðnum. Eftirlifandi eiginkona Birgis er Elsa Vestmann Stefánsdóttir. Auk þess átti hann fjögur stjúpbörn og þrjú börn með fyrrverandi eiginkonu sinni, Jóhönnu Steinþórsdóttur.
