fbpx
Sunnudagur 21.apríl 2019

DV - Frjáls og óháður miðill

Fréttir

Óbyggðaævintýri með Gæslunni

Svarthöfði vill sjá Landhelgisgæsluna stíga skrefið til fulls og fara á fullt í ferðaþjónustu

Einar Þór Sigurðsson
Föstudaginn 9. mars 2018 12:30

Ekki missa af Helstu tíðindum dagsins í pósthólfið þitt

Lesa nánar

Svarthöfða var skemmt yfir lestri fréttarinnar hér að ofan um útsýnisflug Landhelgisgæslunnar.

Þyrlan, TF-SYN, var leigð erlendum auðmanni sem þurfti nauðsynlega að skoða Jökulsárlón. Að sjálfsögðu þótti eðlilegt að verða við þeirri beiðni og í raun má velta fyrir sér hvers vegna floti gæslunnar; sem samanstendur af þyrlu, flugvél og varðskipum, sé ekki notaður oftar fyrir erlenda túrista. Það er eins og menn þar á bæ átti sig ekki á öllum tekjumöguleikunum.

Landhelgisgæslan, eins og aðrar opinberar stofnanir, glímir við ákveðinn rekstrarvanda. Milljónir vantar í reksturinn og þá eru góð ráð dýr. Leita þarf leiða til að stilla bókhaldið af og hvaða leið er betri en að þjónusta erlenda auðmenn sem eru uppfullir af ævintýraþrá?

Möguleikarnir fyrir Georg Lárusson, forstjóra Gæslunnar, eru endalausir. Hvaða skíðaáhugamaður með veski fullt af peningum væri ekki til í að borga nokkra hundrað þúsund kalla fyrir að láta skutla sér upp á jökul og skíða niður? Byssuáhugamenn, til dæmis frá Bandaríkjunum, gætu fengið að skjóta úr fallbyssunum sem eru um borð í varðskipunum. Moldríkir adrenalínfíklar gætu fengið að fara með sigmanni Gæslunnar og síga niður í skip sem grunuð eru um landhelgisbrot. Og svo loks þegar eldgos brýst út verður sannkölluð gósentíð, enda yrði ásóknin í útsýnisferðir væntanlega mikil.

Á tímum þegar þröngt er í búi þarf að hugsa út fyrir kassann og miðað við frétt DV í dag er það nákvæmlega það sem Georg og félagar eru að gera. Þeir þurfa bara að stíga skrefið til fulls og fara „all-in“.

Þessar örfáu hugmyndir gætu skilað stofnuninni tugum milljóna í kassann á hverju ári. Ferðaþjónustudeild Landhelgisgæslunnar myndi hreinlega moka inn seðlum sem er það sem lífið snýst um, eins og auðkýfingarnir og nýjustu kúnnar Gæslunnar vita.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Strokufangar á Íslandi
Fréttir
Í gær

Harðar fjölskyldudeilur milli Brynjars og Gústafs: „Eigið eftir að fá eftirminnilega á lúðurinn“

Harðar fjölskyldudeilur milli Brynjars og Gústafs: „Eigið eftir að fá eftirminnilega á lúðurinn“
Fréttir
Í gær

Smári: Steiktu Kóreumenn upp úr lýsi? – „Gæti nú allt eins talist stríðsglæpur“

Smári: Steiktu Kóreumenn upp úr lýsi? – „Gæti nú allt eins talist stríðsglæpur“
Fréttir
Fyrir 3 dögum

Frábær saga af Guðna forseta: „Sumt í lífinu er of fallegt til að deila því ekki“

Frábær saga af Guðna forseta: „Sumt í lífinu er of fallegt til að deila því ekki“
Fréttir
Fyrir 3 dögum

Ísólfur bendir á gallað heilbrigðiskerfi: „Fyrir alla muni frestið þriðja orkupakkanum“

Ísólfur bendir á gallað heilbrigðiskerfi: „Fyrir alla muni frestið þriðja orkupakkanum“