Hjálmar Hjálmarsson ættleiddi hvolpinn Sölku Sól sem hafði verið skilin eftir úti af fyrri eiganda og vantaði nýtt heimili.
Tónlistar- og dagskrágerðarmaðurinn, Salka Sól Eyfeld, deilir á Instagram síðu sinni sögu af nýjasta fjölskyldumeðlimi sínum, hvolpi sem var skýrður í höfðuð á henni. Salka greinir frá því að fyrir nokkrum vikum hafi henni verið bent á auglýsingu á dýrahjálp.is þar sem sagt var frá því að hvolpur að nafni Salka Sól hafði verið skilin eftir úti af fyrri eiganda og vantaði nýtt heimili.
Salka tók því til þess ráðs að benda föður sínum, Hjálmari Hjálmarssyni leikara, á þennan hvolp sem vantaði heimili. „Ég hringdi í pabba sem ákvað að fara að skoða litlu Sölku Sól. Við urðum strax ástfangin af litla hvolpinum og tókum hana með okkur heim til mömmu og pabba. Þar sem það er kannski erfitt að hafa tvær Sölku Sólar í fjölskyldunni var henni gefið nafnið Saga, þar sem henni fylgir svo falleg saga. Saga unir sér vel hjá foreldrum mínum og ég er í skýjunum með þennan nýja fjölskyldu meðlim,“ skrifar Salka Sól.