fbpx
Laugardagur 15.ágúst 2020

Undarlegir hlutir fyrir eftirlífið

Kristinn H. Guðnason
Laugardaginn 16. febrúar 2019 21:00

Ekki missa af Helstu tíðindum dagsins í pósthólfið þitt

Lesa nánar

Að taka eitthvað með sér í gröfina er orðatiltæki um að halda leyndarmáli til dauðadags. Sumir hafa þó bókstaflega tekið hluti með sér í gröfina. Þetta þekktist á Íslandi í heiðni. Fólk tók með sér veraldlega hluti til þess að nota í eftirlífinu. Faraóarnir egypsku tóku með sér mikið af góssi í gröfina. Enn þá tíðkast að setja táknræna hluti í gröf hins látna. Hér eru nokkur dæmi um það.

 

John F. Kennedy
Vopnaður hvaltönn.

Hvaltönn forsetans

Morðið á forsetanum John F. Kennedy, árið 1963, var mikið áfall fyrir bæði bandarísku þjóðina og alla heimsbyggðina. Hann var aðeins 45 ára gamall þegar hann var skotinn úr launsátri í Dallas.

Kennedy tók ýmsa hluti með sér í gröfina. Þar á meðal 30 sentimetra langa hvaltönn sem Milton DeLano, listamaður og borgarstjóri Denver, hafði skorið tákn forsetaembættisins út í á 19. öld. Kennedy safnaði tönnum, sér í lagi úr hvölum sem höfðu verið veiddir af hvalveiðimönnum frá Nýja-Englandi.

Í gröf Kennedy voru einnig sett bréf frá forsetafrúnni, Jackie, og sonum hans tveimur, skyrtuhnappar úr gulli og bindisnæla.

Bela Lugosi
Snýr kannski aftur.

Búningur Drakúla

Ungverski leikarinn Bela Lugosi gerði Drakúla greifa ódauðlegan í samnefndri Hollywood-kvikmynd frá árinu 1931. Hann hafði áður leikið transylvanísku blóðsuguna á sviðinu á Broadway.

Lugosi lést úr hjartaáfalli árið 1956, 73 ára að aldri, og var jarðaður í Kaliforníu. Sagan segir að Lugosi sjálfur hafi beðið um að verða jarðaður í Drakúla-búningnum sínum, með skikkju og öllu, og var það gert. Síðar kom í ljós að leikarinn hafði ekki beðið um það heldur var það ákvörðun sem eiginkona hans, Lilian, og sonur hans, Bela George Lugosi, tóku.

 

Frank Sinatra
Fær sér smók, skot af viskí og hundakex.

Pakki af Camel og flaska af Jack

Söngvarinn, leikarinn og eilífðartöffarinn Frank Sinatra lést 82 ára að aldri vorið 1998 úr hjartaáfalli. Var hann í kjölfarið jarðaður í Beverly Hills að viðstöddum 400 manns og þúsundir aðdáanda stóðu fyrir utan kirkjuna.

Sinatra var klæddur í blá jakkaföt og í kistuna voru settir táknrænir munir fyrir ævi hans. Meðal annars pakki af Camel-sígarettum, Zippo-kveikjari, uppáhaldskaramellurnar og minturnar hans, bangsi, hundakex og flaska af Jack Daniels viskíi.

Jack Daniels hefur allar götur síðan notað Sinatra í auglýsingar sínar og meira að segja framleitt sérstaka tegund, Sinatra Select.

 

Bob Marley
Enn þá hátt uppi.

Fótbolti og spliffa

Reggíkóngurinn Bob Marley lést úr krabbameini aðeins 36 ára gamall í borginni Miami í Flórída árið 1981. Líki hans var flogið heim til karabísku eyjunnar Jamaíku og hann jarðaður nálægt fæðingarbæ sínum, Nine Mile.

Margir vita að Marley var jarðaður með gítarnum sínum, af gerðinni Les Paul. En það voru fleiri hlutir settir í gröfina að hans eigin ósk. Það voru fótbolti, ein jóna af kannabis, Biblían og hringur sem hann fékk að gjöf frá prins Eþíópíu.

Roald Dahl
Vopnaður hjólsög.

Snókerkjuði og hjólsög

Hinn norsk-breski Roald Dahl var einn allra vinsælasti barnabókahöfundur 20. aldarinnar. Lét hann eftir sig verk á borð við Kalla og sælgætisgerðina, Matthildi og Nornaseið. Hann lést árið 1990 úr krabbameini, 74 ára að aldri.

Það kemur fæstum á óvart að súkkulaði hafi verið sett í gröf Dahl, enda var hann með það á heilanum. Hann dreymdi um að eiga og starfa í súkkulaðiverksmiðju.

Það sem kann að koma fólki á óvart er að í gröfina var einnig sett snókerkjuði, rauðvín, blýantar og hjólsög.

Tony Curtis
Getur enn þá hringt.

Gervisykur og iPhone

Ferill leikarans Tonys Curtis spannaði sextíu ár. Hann skildi einnig eftir sig sex börn og sex eiginkonur en hann lést árið 2010 úr hjartaáfalli, 85 ára að aldri.

Ekkja hans, Jill Vandenberg, sá til þess að hann færi ekki tómhentur í eftirlífið. Hann fékk með sér ökuhanska, medalíur úr sjóhernum, skó barnabarnsins, líkan af Ford-bifreið, DVD-mynd, hjartapillu, gervisykur, málniningarbursta og -túpur, sólgleraugu, gyðingahatt, ösku heimilishundsins og síðast en ekki síst iPhone-símann sinn.

 

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

433Sport
Fyrir 5 klukkutímum

Spænskir miðlar traðka á Barcelona eftir niðurlæginguna í gær – Messi gæti farið

Spænskir miðlar traðka á Barcelona eftir niðurlæginguna í gær – Messi gæti farið
Pressan
Fyrir 5 klukkutímum

Bróðir Donalds Trump liggur þungt haldinn á spítala

Bróðir Donalds Trump liggur þungt haldinn á spítala
Fókus
Fyrir 9 klukkutímum

Hrafnhildur Gunnars: Yfirmaðurinn spurði hvort ég héldi í alvörunni að ég gæti haldið á upptökuvél

Hrafnhildur Gunnars: Yfirmaðurinn spurði hvort ég héldi í alvörunni að ég gæti haldið á upptökuvél
Pressan
Fyrir 10 klukkutímum

Danir herða kröfur um notkun andlitsgríma

Danir herða kröfur um notkun andlitsgríma
433Sport
Fyrir 19 klukkutímum

Pepsi Max-deildin: Svona fóru fyrstu leikirnir eftir hlé – Eiður og Logi enn taplausir

Pepsi Max-deildin: Svona fóru fyrstu leikirnir eftir hlé – Eiður og Logi enn taplausir
Bleikt
Fyrir 19 klukkutímum

Stjörnuspá vikunnar – Ekkert spennandi gerist án smá áhættu

Stjörnuspá vikunnar – Ekkert spennandi gerist án smá áhættu
Bleikt
Fyrir 23 klukkutímum

Miley laug um það hvernig hún missti meydóminn og þurfti að viðurkenna það átta árum seinna

Miley laug um það hvernig hún missti meydóminn og þurfti að viðurkenna það átta árum seinna
Eyjan
Fyrir 23 klukkutímum

Spyr hvort að stjórnarflokkarnir telji Samherja-skýrslu ekki eiga erindi við almenning

Spyr hvort að stjórnarflokkarnir telji Samherja-skýrslu ekki eiga erindi við almenning