Simone Anderson frá Nýja-Sjálandi hefur tekið ótrúlegum breytingum eftir að hún hóf vegferð sína í átt að betri heilsu. Hún er rithöfundur og heldur hvatningarræður. Henni tókst að komast á þennan stað með hjálp magaermis og fór seinna meir í svuntuaðgerðir. Hún hefur einnig gengist undir fegrunaraðgerðir og látið fylla í varir sínar og andlit.
Simone, sem er 29 ára, var 168 kíló og segist hafa átt erfitt með að ganga upp hinar minnstu brekkur. Hún deilir „fyrir og eftir myndum“ á Instagram og segir að síðustu sex árin hafa verið „súrrealísk“.
https://www.instagram.com/p/CAvexvll6U8/
„Ég var eyðilögð eftir 20 mínútna göngu. Ég borðaði mestmegnis skyndibitamat og 99 prósent af því sem ég borðaði var mikið unninn matur. Spólum áfram til dagsins í dag. Ég hef misst um 92 kíló og æfi daglega. Ég borða hollan og fjölbreyttan mat og ég elska upplifa mig verða sterkari og hraustari með hverjum deginum,“ segir Simone.
Simone segir að henni hefur alla tíð liðið eins og hún væri „falleg“ og „sjálfsörugg.“ Hún segir að eini munurinn á sér þá og nú sé að nú veit hún að hún mun „lifa löngu og heilbrigðu lífi.“
„Þyngd mín skilgreindi mig aldrei sem manneskju. Ég er ennþá sama jákvæða og hressa stelpan og ég var. En ég takmarkaði líf mitt verulega vegna þyngdar minnar. Magaermiaðgerð bjargaði lífi mínu. Ég trúi ekki að ég væri lifandi í dag hefði ég ekki gengist undir þessa aðgerð. Hún gaf mér verkfærin sem ég þurfti til að breyta matarvenjum mínum og byrja að hreyfa mig. Aðgerðin sér ekki um erfiðu verkefnin sem við þurfum að vinna, þú þarft að gera breytingar til langtíma. En hún gefur þér nýtt upphaf sem hjálpar að koma þér af stað,“ segir Simone.
Eftir að hún léttist var hún með mikið af aukahúð. Hún gekkst undir níu klukkustunda aðgerð til að fjarlægja aukahúðina og er mjög sátt með útkomuna.
