Alice Goodwin, 33 ára, er glamúrfyrirsæta og eiginkona fótboltakappans Jermaine Pennant. Hún opnar sig um kynfæraaðgerð sem hún gekkst undir í fegrunarskyni (e. vaginal rejuvenation). Hún segir að aðgerðin hafi „breytt leiknum.“

Um er að ræða 15 mínútna laseraðgerð á leggöngum. Tilgangur aðgerðarinnar er sá að vöðvarnir nái upp fyrri styrk.

https://www.instagram.com/p/BwsKFG2FEly/

Alice ákvað að gangast undir aðgerðina eftir að hafa átt erfitt með að finnast hún vera kynþokkafull í nærfatamyndatöku. Hún eignaðist dóttur fyrir ellefu árum og segir að í kjölfarið hafi líkami hennar breyst mikið.

Alice er með yfir 335 þúsund fylgjendur á Instagram og opnar sig um þetta á miðlinum. The Sun greinir frá.

Alice heldur því fram að aðgerðin hafi aukið sjálfstraust hennar og bætt kynlífið með eiginmanninum.

„Mér líður núna vel bæði að innan sem og utan. Og við skulum bara segja að Jermaine kvartar ekki,“ segir hún.

„Ég er fyrirsæta og þá snýst vinnan að miklu leyti um að halda mér í formi, en eins og allar konur þekkja þá breytir meðganga líkamanum. Ég vann hart á því að koma mér aftur í form, en í gegnum árin tók ég eftir því að vöðvar legganganna voru ekki jafn sterkir og áður,“ segir Alice.

https://www.instagram.com/p/Bt3C2UsF99K/

Hún rifjar upp þegar hún var í nærfatamyndatöku í fyrra fyrir Valentínusardaginn.

„Ég fékk svo mörg hrós og „likes“ á Instagram, en þó svo að ég hafi verið kynþokkafull að utan, þá var ég meðvituð um að innvortis, sem kona, gætu hlutirnir verið betri. Það er of mikið tabú í kringum píkur kvenna og við þurfum að vera opnari um það og það sem er hægt að gera til að auka lífsgæði okkar. Ekki þjást í þögn,“ segir Alice.

Jermaine var mjög stuðningsríkur í gegnum allt ferlið að sögn Alice. Hann fór með henni í aðgerðina og hélt í hönd hennar.

„Fyrir mér var Alice þegar fallegasta og kynþokkafyllsta kona í heimi, en þegar hún sagði mér að henni langaði að fara í þessa aðgerð þá sýndi ég því stuðning. Ég styð hana í einu og ölu,“ segir Jermaine.