Söngkonan og áhrifavaldurinn Desirée Mitchell ákvað að gera frekar áhugaverða félagslega tilraun og selja myndir af fótunum sínum á netinu. Á einni viku þénaði hún tæplega 400 þúsund krónur í skiptum fyrir fótamyndir. Hún segir frá þessu í myndbandi á YouTube sem hefur fengið yfir 500 þúsund áhorf.

„Í dag er nýja starf mitt að selja ókunnugum á netinu myndir af fótunum mínum,“ segir hún og hlær í myndbandinu.

https://www.instagram.com/p/B7tCYj_Jb8Q/

Hún útskýrir nánar ástæðuna fyrir því að henni datt þetta í hug.

„Á Instagram deili ég venjulegum myndum af mér og svona. Daglegur stíll minn inniheldur mikið af skóm sem eru opnir í tærnar. Án þess að reyna er ég með einskonar „fóta-aðdáendahóp.“ Aðdáendur sem fylgjast ekki með mér vegna tónlistarinnar eða YouTube, heldur fótanna. Ég er bókstaflega með aðdáendahóp fyrir fæturna mína,“ segir hún og sýnir skjáskot af tveimur Instagram-síðum sem eru tileinkaðir fótunum hennar.

Desirée veit að það eru menn með fótablæti sem borga fyrir svona myndir en hún fær reglulega skilaboð þar sem hún er spurð hvort hún selji fótamyndir. Þannig markhópurinn var þegar til staðar.

„Mér fannst það alltaf óhugnanlegt og skrýtið. En í dag ætlum við að prófa,“ segir Desirée á fyrsta degi tilraunarinnar og bætir við að henni langar að vita hvort þessi iðnaður sé arðbær.

https://www.instagram.com/p/B4rMbcgJa1r/

Desirée byrjar á því að svara einum aðdáanda hennar og segjast rukka hundrað dollara fyrir eina mynd, sem er um 12 þúsund krónur.

„Ég veit ekkert um fótamynda-iðnaðinn og ég veit ekki hversu mikið þetta kostar venjulega, en ég veit að fætur mínir eru þess virði,“ segir hún.

Hún sendir síðan nokkrum karlmönnum skilaboð sem hafa margsinnis skrifað við myndirnar hennar um hvað fæturnir hennar eru fallegir.

Eftir að hafa rætt við einn sérstakan áhugamann um fótamyndir þá breytir hún verðinu svo það eru tvær myndir í skiptum fyrir hundrað dollara. Að sögn mannsins með fótablætið er venjulega verðið fyrir fimm fótamyndir 25 dollarar eða 25 dollarar fyrir 1-2 mínútna langt myndband.

Þetta vatt upp á sig yfir vikuna og þú getur fylgst með ferlinu í myndbandinu hér að neðan. Hún endaði með því að selja myndir af fótunum sínum fyrir 3200 dollara, tæplega 400 þúsund krónur.