Tesla-mógúllinn Elon Musk neitar staðfastlega að hafa átt í ástarsambandi við leikkonuna Amber Heard á meðan hún var gift Johnny Depp líkt og sá síðastnefndi hefur haldið fram í meiðyrðamáli gegn The Sun. Málið hefur staðið yfir í nokkrar vikur og meðal gagna í málsskjölum eru ásakanir þess efnis að Amber hafi haldið framhjá Johnny í trekanti með Elon og fyrirsætunni og leikkonunni Cara Delevingne í villu Johnnys í Los Angeles.
„Ég átti alls ekki í sambandi við Amber á meðan hún var gift Johnny, það eru helber ósannindi,“ segir Elon Musk í samtali við New York Times sem bjallaði í mógúlinn til fá viðbrögð hans en þau Amber voru par frá 2016 til 2017.
Inntur eftir viðbrögðum við uppnefninu „Mollusk“ (lindýr) sem Johnny gaf honum og kemur fram í málsskjölum flissaði Elon og sagðist vona að Johnny jafnaði sig bara á þessu öllu. Spurður út í meint smáskilaboð til Amber þar sem Johnny hótar að skera liminn af Elon flissaði hann aftur og klykkti út með orðunum: „Láttu mig bara vita ef Johnny vill taka slaginn í hringnum,“
