Jaden Smith og móðir hans Jada Pinkett Smith vanda YouTube-stjörnunni Shane Dawson ekki kveðjurnar. Shane Dawson er með yfir 22 milljón fylgjendur á YouTube og hefur verið að gera myndbönd frá árinu 2008.
Shane stendur nú í rosalegu drama í fegurðarsamfélaginu (e. beauty community) á YouTube. Hann og Jeffree Star, samfélagsmiðlastjarna og eigandi Jeffree Star Cosmetics, eru sakaðir um að hafa átt stóran þátt í því að áhrifavaldurinn Tati Westbrook hafi gert myndband um YouTube-stjörnuna James Charles.
Í stuttu máli birti Tati myndband þar sem hún bar James þungum sökum. Jeffree Star hoppaði á vagninn og kallaði hann hættulegan samfélaginu. James Charles missti marga milljón fylgjendur og virtist ferill hans vera á hraðri niðurleið. Þetta hafði þetta mjög mikil áhrif á hann andlega og opnaði hann sig seinna um að hann hafi um tíma glímt við sjálfsvígshugsanir. Hvorki Tati né Jeffree sýndu fram á einhverjar sannanir og endaði James Charles með að afsanna allar ásakanirnar í myndbandinu „No More Lies“, sem hefur fengið yfir 50 milljón áhorf. James Charles var á þessum tíma nítján ára en Tati og Jeffree bæði á fertugsaldri.
Þetta alræmda drama fékk nöfnin „dramageddon 2.0“ og „bye sister scandal“ og er nóg af myndböndum um það á YouTube.
Nú vilja margir meina að „dramageddon 3.0“ sé í fullum gangi. Eins og fyrr segir eru Jeffree Star og Shane Dawson sakaðir um að skipuleggja skandalinn og í kjölfarið hafa nokkrir netverjar verið að grafa djúpt í fortíð þeirra.
Fjöldi myndbanda hafa komið aftur upp á yfirborðið. Í einu myndbandinu þeirra má sjá Shane Dawson þykjast fróa sér yfir plakati af Willow Smith, sem þá var ellefu ára gömul.
Disgusting video found by @stre_ed where Shane Dawson pretends to masturbate over a poster of then 11 year old Willow Smith while sexualizing lyrics of her debut song. Truly depraved man. pic.twitter.com/e8WF9OX5Nl
— J⭐+🐷 = DANGERS TO SOCIETY (@KRMGDN) June 25, 2020
Jada Pinkett Smith, móðir Willow, skrifaði á Twitter: „Til Shane Dawson, ég hlusta ekki á afsakanir.“
To Shane Dawson … I’m done with the excuses.
— Jada Pinkett Smith (@jadapsmith) June 27, 2020
Jaden Smith, bróðir Willow, skrifaði: „ÞÚ ERT ÓGEÐSLEGUR SHANE DAWSON. AÐ KYNGERA ELLEFU ÁRA STELPU, SEM ER SVO SYSTIR MÍN!!! ÞETTA ER ALLS EKKI FYNDIÐ OG ALLS EKKI Í LAGI.“
SHANE DAWSON I AM DISGUSTED BY YOU. YOU SEXUALIZING AN 11 YEAR OLD GIRL WHO HAPPENS TO BE MY SISTER!!!!!! IS THE FURTHEST THING FROM FUNNY AND NOT OKAY IN THE SLIGHTEST BIT.
— Jaden (@jaden) June 27, 2020
Jaden gagnrýndi einnig Shane fyrir að hafa notað „blackface“ í mörgum gömlum myndböndum.
This Man Was Also Doing Black Face On The Regular🤦🏾♂️🤦🏾♂️🤦🏾♂️. As The Youth We Need To Support Creators Who Support Us And Our Morals. This Is Not Okay.
— Jaden (@jaden) June 27, 2020
Deginum áður en Smith fjölskyldan tjáði sig um málið á Twitter deildi Shane myndbandi á YouTube titlað: „Að taka ábyrgð“.
Í því sagðist hann ætla að taka ábyrgð á fyrri mistökum og fortíð sinni. Hann baðst afsökunar á gömlum myndböndum sem voru uppfull af kynþáttafordómum og bröndurum um barngirnd.
„Blackface var eitthvað sem ég gerði, mjög mikið, á YouTube-rás minni. Og ég hef enga afsökun. Ég bókstaflega hef enga afsökun,“ sagði Shane.
Shane hefur ekki tjáð sig um gagnrýni Smith fjölskyldunnar.
Ef þú vilt vita meira um „dramageddon 3.0“ þá geturðu horft á eitthvað af myndböndunum hér að neðan.
