Jenni Coleman fann útrunnið brúnkukrem í baðherbergisskápnum heima hjá sér. Hún vildi ekki sóa kreminu svo hún bar það á sig í von um fallega sumarbrúnku. Hún hefði betur mátt sleppa því þar sem hún endaði með að líkjast norninni úr The Wizard of Oz.
Í samtali við The Sun segir Jenni vinkonur sínar hafa strítt sér alveg gífurlega fyrir misheppnuðu brúnkuna.
Jenni var að fá sér vín þegar hún bar nokkrar umferðir af brúnkukreminu á sig. Næstu dagana neyddist Jenni til að halda sig heima, fara reglulega í sturtu og nota skrúbb til að ná sem mestu af grænu brúnkunni af sér.
„Ég leit í alvöru út eins og norn,“ segir Jenni.
„Þegar ég sá mig í spegli næsta morgun fór ég næstum því að gráta. Ég var í sjokki og átti erfitt með að trúa þessu. Það tók nokkra daga fyrir mig að ná þessu af og ég hætti að bera á mig brúnkukrem í ágætis tíma eftir þetta.“
