Ofurfyrirsætan Ashley Graham eignaðist sitt fyrsta barn þann 18. janúar síðastliðinn. Ashley Graham er þekkt fyrir aktívisma sinn fyrir líkamsvirðingu.
Sjá einnig: Nektarmynd óléttrar Ashley Graham tekið fagnandi
Ashley opnar sig um lífið sem nýbökuð móðir í einlægri færslu á Instagram. Hún deilir valdeflandi mynd af líkama sínum nokkrum vikum eftir fæðingu.
„Þetta hefur verið erfitt,“ skrifar hún.
https://www.instagram.com/p/B8aNFTygbr6/
„Réttu upp höndina ef þú vissir ekki að þú myndir þurfa að skipta á bleyju á þér sjálfri. Eftir öll þessi ár í tísku hefði mér aldrei dottið í hug að einnota nærföt yrðu uppáhalds flíkin mín, en hérna erum við!“
Ashley segir að það þurfi að opna umræðuna um bataferli kvenna eftir fæðingu.
„Það talar enginn um bataferlið (og já líka sóðalegu hlutina) sem konur þurfa að ganga í gegnum. Ég vildi bara sýna ykkur að þetta er ekki allt regnbogar og fiðrildi! Þetta hefur verið erfitt,“ segir hún og þakkar vinkonu sinni Chelsea fyrir að opna umræðuna um þetta.
