Afreksparið Frederik Aegidius og Annie Mist Þórisdóttir eiga von á sínu fyrsta barni. Von er á krílínu þann 5. ágúst og því lék DV forvitni á að vita hvernig Frederik og Annie Mist eiga saman, ef litið er til stjörnumerkjanna.
Frederik er krabbi en Annie Mist er meyja og því er þetta samband afar sterkt og jarðbundið. Þetta samband getur orðið sífellt betra með hverju árinu en bæði merki eru mjög öguð og drifin áfram af því að ná sem lengst, á hvaða sviði sem er.
Meyjan og krabbinn eru einlæglega trú hvort öðru, enda hvorugt merki hannað til að eiga í léttvægum ástarsamböndum. Bæði þessi merki þurfa sterka og sanna ást og einsetja sér að láta þá ást lifa ævina á enda. Þau virða hvort annað afar mikið og þó að sambandið hafi hugsanlega farið hægt af stað þá hefur það styrkst jafnt og þétt.
Krabba og meyju er sama um allt sem er yfirborðskennd og búa bæði merkin yfir sterkri réttlætiskennd. Þau kunna vel við hið efnislega en geta eingöngu notið þess ef þau hafa unnið fyrir því. Þau vilja sko ekkert gefins. Það eina sem getur valdið kergju í þessu sambandi er ef gagnrýni meyjunnar fer fyrir brjóstið á hörundsára krabbanum. Krabbinn þarf hins vegar að skilja að það er í eðli meyjunnar að benda á það sem hún sér og það má aldrei taka gagnrýni hennar persónulega.
Frederik
Fæddur: 11. júlí 1987
Krabbi
-hugmyndaríkur
-þrjóskur
-traustur
-með mikinn sannfæringarkraft
-óöruggur
-skaphundur
Annie Mist
Fædd: 18. september 1989
Meyja
-metnaðarfull
-traust
-góð
-vinnuþjarkur
-of gagnrýnin
-feimin
