Sierra og Sienna eru tvíburar og það sem gerir þær einstakar er að Sienna fæddist með dvergvöxt en ekki Sierra.

„Við erum einu kvenkyns eineggja tvíburarnir þar sem ein okkar er dvergur og hin ekki,“ segir Sierra í umfjöllun Barcroft TV um þær. Myndbandið hefur fengið yfir 1,7 milljón áhorf á tveimur dögum.

„Fólk heldur oft að ég sé yngri og kemur þá öðruvísi fram við mig,“ segir Sienna. Þó svo að þær segi fólki að þær séu tvíburar fá þær oft spurninguna: „Já en hvað er hún [Sienna] gömul?“

Sienna fæddist með sjaldgæfan genagalla og er með dvergvöxt. Læknar héldu að hún myndi ekki lifa af fyrsta sólarhringinn, en hér er hún tuttugu árum seinna.

Systurnar eru mjög nánar en hafa þó mismunandi ástríður í lífinu. Sierra er kántrí söngkona og spilar víðs vegar um Bandaríkin. Sienna er mjög hrifin af hafmeyjum og finnst gaman að synda sem slík.

„Hún spyr mig stundum, pabbi af hverju gerði Guð mig svona litla. Ég segi þá við hana að ef hún væri í fullri stærð myndi hún örugglega taka yfir heiminn,“ segir Joe, faðir stúlknanna.

Horfðu á myndbandið hér að neðan.