Michelle leitaði til Dr Terry Dubrow og Dr Paul Nassif í raunveruleikaþættinum Botched. Þar sérhæfa lýtalæknarnir sig í að „laga“ fólk sem hefur lent í misheppnuðum aðgerðum.

Michelle er tveggja barna móðir. Hún segir að hún hafi fyrst farið í brjóstastækkun vegna þess að brjóstin hennar voru svo sigin eftir meðgöngu og brjóstagjöf. Hún var í sjokki þegar hún vaknaði eftir aðgerðina og sá að læknirinn hafi sett mun stærri púða en hún hafi beðið um. Í kjölfarið varð hún mjög þunglynd og þyngdist um 53 kíló. Hún fór svo í hjáveituaðgerð árið 2015.

Hún léttist um 44 kíló og er nú með mikið af lausri húð á brjóstunum og viðurkennir að hún sefur ekki hjá eiginmanni sínum án þess að vera í brjóstarhaldara.

„Brjóstin mín eru eins og júgur. Þau ná niður á nafla. Hægra brjóstið mitt er sigið og vinstra brjóstið er drupandi. Brjóstin draga mig niður, bókstaflega,“ segir Michelle í þættinum.

Dr Terry Dubrow var hneykslaður þegar hann heyrði að hún hafi beðið um stóra C skál eða litla D skál, en hafi fengið 750cc púða sem eru mun stærri.

„Ég meina, það er næstum eins stórt og það verður. Þeir settu mun stærri púða en þú bjóst við,“ segir hann.

Hún tekur undir með honum og segir að þetta hafi orsakað mikla vanlíðan hjá henni. Hún þyngdist mikið og fór í hjáveituaðgerð sem drap hana næstum.

„Ég var á spítalanum í fjóra mánuði. Ég dó næstum því,“ segir hún.

Dr Terry Dubrow fór óvenjulega leið til að laga brjóst hennar. Vegna þess að húðin hennar var svo þunn þurfti að byrja á því að gera gat á púðana og tæma þá, bíða í fjóra mánuði og leyfa húðinni að þykkna. Síðan fékk hún nýja púða og brjóstin löguð.

Það heppnaðist vel og sjá má árangurinn hér að neðan.