Kona í Kazakhstan eignaðist tvíbura, stelpu og strák. Börnin fæddust með 11 vikna millibili, sem er mjög sjaldgæft.

Liliya Konovalova, 29 ára, er með uterus didelphys, eða tvöfalt leg. Liliya eignaðist sitt fyrsta barn í maí, en þurfti að bíða í ellefu vikur eftir að annað barn hennar kæmi í heiminn. RT greinir frá.

Þann 24. maí kom dóttir hennar í heiminn en drengurinn var ekki tilbúinn fyrr en 9. ágúst.

„Sonur minn var ekkert að drífa sig að koma í heiminn,“ segir Liliya við RT.

Stúlkan fæddist sem fyrirburi, eftir aðeins 25 vikna meðgöngu og var rétt undir 900 grömmum. Þegar drengurinn fæddist, 11 vikum seinna, var hann um 2,9 kíló, meira en þrisvar sinnum þyngri en systir sín.

Heilbrigðisráðuneyti Kazakhstan greindi frá fæðingu tvíburanna á Facebook og segja að móður og börnum heilsast vel.

Liliya er með tvöfalt leg sem er mjög sjaldgæft heilkenni sem hefur áhrif á 0,5-5 prósent kvenna í heiminum samkvæmt tölum frá NCBI.

Konur með tvöfalt leg eiga meiri líkur á að eignast fyrirbura, andvana börn eða missa fóstur.

„Þökk sér læknum okkar þá höfðum við betur, það sem þeir gerðu var kraftaverk. Börnin mín eru núna um þrjú kíló og við erum að gera okkur klár að fara heim af spítalanum,“ segir Liliya.