Mikil reiði gaus upp i kjölfarið á birtingu nýrrar auglýsingar frá rakvélarisanum Gillette. Auglýsingin beinir spjótum sínum að eitraðri karlmennsku og mærir #MeToo-byltinguna.

Auglýsingin er mjög kraftmikil og hvetur karlmenn til að breyta samfélagsviðmiðum og stöðva misrétti gegn konum. Sýndar eru myndir af karlmönnum hrútskýra, slást í æsku og kynferðislega áreitni. „Við getum ekki falið okkur fyrir þessu. Þetta er búið að standa yfir allt of lengi,“ segir í auglýsingunni. „Við getum ekki hlegið þetta í burtu og komið með sömu gömlu afsakanirnar. Það er loksins eitthvað búið að breytast og það verður ekki aftur snúið.“

Það eru ekki allir par sáttir við þessi skilaboð og er Gillette sakað um að ráðast á eigin viðskiptavini. Segir þáttastjórnandinn Piers Morgan: „Það er Gillette er að segja núna er, allt sem við erum búin að vera að segja við ykkur síðustu 30 árin er illska. Nú eru þið illmenni og eitraðir af karlmennsku. Það er ekkert að karlmennsku, þið viljið að við séum að biðjast afsökunar á því. Nei.“

I’ve used @Gillette razors my entire adult life but this absurd virtue-signalling PC guff may drive me away to a company less eager to fuel the current pathetic global assault on masculinity.
Let boys be damn boys.
Let men be damn men. https://t.co/Hm66OD5lA4

— Piers Morgan (@piersmorgan) January 14, 2019

Fleiri íhaldssamir eru á sömu skoðun. Segir kanadíski fjölmiðlamaðurinn Ezra Levant: „Rakvélaauglýsing skrifuð af bleikhærðum femínistum er jafn áhrifarík og túrtappaauglýsing skrifuð af miðkarla köllum.“

Það eru þó alls ekki allir á þessari línu. Margir hrósa fyrirtækinu fyrir að vera komið inn í 21.öldina og telja þetta geta höfðað til ungs fólks. Aðrir setja þetta í samhengi við auglýsingar Nike þar sem íþróttamaðurinn Colin Kaepernick kom við sögu, en hann er umdeildur fyrir að mótmæla rasisma í Bandaríkjunum með því að standa ekki þegar þjóðsöngurinn var spilaður. Sögðu margir að Nike væri að eyðileggja fyrir sér en salan jókst um 31%.