Það eru einungis örfáir dagar eftir af árinu 2018 og því tilvalið að fara að líta til framtíðar. Það er kannski ekki auðvelt að spá fyrir hvað muni gerast á árinu 2019 en það er eitt sem hægt er að skoða og velta fyrir sér, hártískan.
Á þessu ári var mikið um litadýrð og mátti sjá fólk með hár í öllum litum regnbogans út um allt. Samkvæmt sérfræðingum sem Popsugar hafði samband við, verður litadýrðin ekki jafn mikil á næsta ári en þrír litir verða mest áberandi: Hvítur, kopar og svartur.
Samkvæmt sérfræðingunum mun ljósi liturinn verða mjög vinsæll á næsta ári. Hann mun verða allt frá ís-hvítum yfir í kremaðan og ætti fólk að taka mið af hvaða ljósi fer vel með húðliti þeirra.
Koparlitur hefur nú þegar orðið örlítið áberandi í ár og segja sérfræðingar að hann muni halda áfram að verða vinsæll á næsta ári.
Þeir sem ekki þora að fara alla leið inn í koparlitinn geta líka sett í sig koparlitaðar strípur, en það verður einnig vinsælt á næsta ári.
Svartur litur mun líka rísa upp á næsta ári. Helst það svartur að það lítur út fyrir að vera örlítið blár tónn í honum.
Nú þegar þetta er komið á hreint, þá er bara um að gera að taka upp tólið og panta sér tíma í litun í janúar.