„Þetta myndband er ástæða þess að ég geri það sem ég geri, daginn út og daginn inn. Að veita innblástur, syngdu Helga,“ segir poppstjarnan Jessie J. sem hélt vel heppnaða tónleika í Laugardalshöll í gærkvöldi.
Jessie, sem var að halda sína aðra tónleika hér á landi, setti inn myndband af ungri íslenskri stúlku, Helgu að nafni, á Instagram-síðu sína þar sem unga stúlkan sést syngja brot úr laginu Queen. Helga hafði komið sér vel fyrir við sviðið og greip tækifærið með bros á vör þegar hún fékk að syngja. Óhætt er að segja að salurinn hafi verið ánægður með útkomuna enda braust út mikill fögnuður.
Jessie setti myndbrotið inn fyrir aðeins rúmri klukkustund síðan en á þeim tíma sem liðinn er nálgast áhorfin 30 þúsund! Jessie, sem er þrítug og frá Englandi, er með rétt tæplega sjö milljónir fylgjenda á Instagram og því er ljóst að myndbandið mun fara víða.
https://www.instagram.com/p/Bjt-ec_gsZC/?taken-by=jessiej
Ef myndbandið spilast ekki hér að ofan má nálgast það hér á Instagram
Lestu einnig: Tónleikar Jessie J:Hver er Sebastian á bílaleigunni?
