Móðir 16 ára stelpu í Nottinghamshire er reið út í skólayfirvöld eftir að dóttir hennar, Jazzmin, var rekin úr skólanum vegna þess að hún var of mikið förðuð á skólatíma. Móðir stúlkunnar, Rachel Barr, sagðist ekki hafa séð Jazzmin áður en hún fór í skólann svo eftir að hafa fengið símtalið frá skólanum var hún tilbúin að skamma hana þegar hún kæmi heim. Nema að þegar hún sá hana þá sá hún varla að hún væri förðuð. Jazzmin notar ekki oft snyrtivörur fyrir skólann og farðaði sig í þetta skipti með smá farða, augabrúnapensli og highlighter.

Þegar hún kom í bílinn, spurði ég „er þetta það?“

sagði Rachel við Metro.

Ég hélt hún væri alveg fullmáluð en ég gat varla séð að hún væri förðuð nema ég horfði mjög vandlega. Jazzmin mætir vel í skólann og fær sjaldan eftirsetu. Hún er ekki vandræðabarn.

Í regluskrá skólans kemur fram að eldri nemendur mega farða sig á meðan það er í verulegu hófi og lítur náttúrulega út. Gerviaugnhár eru bönnuð og ef nemandi er of mikið farðaður er hann beðinn um að taka af sér farðann.

Móðir stúlkunar sagði að ef skólinn hefði aðeins látið hana mæta í eftirsetu hefði það verið í lagi, en hún var rekin úr skólanum í einn og hálfan dag. Á þessum aldri er stórt próf hjá bandarískum nemundum og fara margar kennslustundir í undirbúning fyrir GCSE prófið. Þannig Jazzmin missir af mikilvægum kennslustundum sem getur haft áhrif á stöðu hennar í prófinu.

Mér finnst þetta of mikið. Þetta er fáranlegt að hún fær ekki að fara í skólann í einn og hálfan dag þegar þú sérð hvernig hún var förðuð,

sagði móðir hennar.