Það getur verið erfitt að halda sambandi við bestu vini sína úr framhaldsskóla. Fólk flytur í burtu, stofnar fjölskyldu, er upptekið við vinnu og allt í einu er ekkert eins og það var. Það skipti fimm vini frá Santa Barbara, Kaliforníu, miklu máli að halda sambandi. Á fimm ára fresti hittist hópurinn til að endurgera mynd sem þeir tóku fyrst árið 1982 og hefur komið til með að skilgreina vináttu þeirra.
Árið 1982 voru þeir í fríi saman nálægt Copco Lake í norður Kaliforníu. Þá voru þeir nítján ára og ákváðu að taka eina skemmtilega sumarmynd. Síðan þá hafa þeir ákveðið að hittast á fimm ára fresti og smella af mynd. Þeir kalla þetta „Five Year Photo Project“ og þann 24. júní bættist áttunda myndin í safnið.
Það er ekki nóg með að þeir hittist og taki myndina heldur reyna þeir að gera myndina eins líka upprunalegu myndinni frá 1982.
Frá vinstri til hægri, eins og alltaf: John Wardlaw, Mark Rumer, Dallas Burney, John Molony og John Dickson.
„Árið 1982 tókum við þessa frekar furðulegu mynd. Á þeim tíma höfðum við ekki hugmynd að við myndum endurgera myndina á fimm ára fresti.“
Innihald krukkunnar: Kakkalakki (lifandi), ein mynd af Robert Young (til að veita kakkalakkanum félagsskap) og ein karamella (matur fyrir kakkalakkann).
„Þegar við áttuðum okkur á því að sömu fimm gaurarnir myndu vera aftur saman á Copco þá ákváðum við að taka sömu myndina aftur.“
„Árið 1992 var skýjað og kalt þannig við vorum allir í bol í fyrsta skipti.“
„Á þessum tíma vorum við komnir aðeins frá upprunalegu myndinni, eitthvað sem við byrjuðum á að leiðrétta í framtíðinni.“
„Þetta var árið sem við fórum að endurgera upprunalegu myndina alveg þó svo að John M. gleymdi sólgleraugunum sínum og við vorum að grínast með stóru krukkuna.“
„Þarna fórum við að endurgera upprunalegu krukkuna (enginn kakkalakki) og staðlaðan hatt fyrir allar framtíðarmyndir.“
„Þarna fundum við upprunalegu myndina af Robert Young til að setja ofan í krukkuna. Því miður er ekki hægt að sjá andlitið hans.“
„Berir að ofan í fyrsta skipti í 30 ár.“
