Börn á aldrinum eins árs til fimm ára geta reynt á þolinmæði allra foreldra, sama hversu geðgóðir þeir eru. Mömmubloggarinn Kelly Holmes kom með hugmynd sem hefur hjálpað foreldrum um allan heim að muna að sýna ungum börnum sínum meiri þolinmæði. Færsla Kelly hafði titilinn Hvernig þú hættir að verða reið mamma en þar sagði hún frá hárteygjuhugmynd sem hefur farið eins og eldur í sinu.
Hennar markmið var að tala við börnin sín með sömu virðingu og góðmennsku og hún talar við eiginmanninn sinn. Líka þegar hana langar að vera reið yfir einhverju sem þau gerðu eða sögðu. Það eina sem þú þarft til þess að fylgja hennar ráðleggingum eru fimm hárteygjur.
Finndu fimm hárteygjur sem þú getur haft á úlnliðnumúlnliðnum án þess að það sé óþægilegt.
Þegar börnin þín vakna á morgnanna setur þú teygjurnar fimm á aðra höndina. Það er mikilvægt að setja þær ekki á fyrr en börnin eru vöknuð, svo þú munir betur eftir þeim. Þú getur alveg tekið þær af þér ef þú ert ekki nálægt börnunum þínum, eins og í skóla eða vinnu, en sett þær aftur á þig þegar þú kemur heim. Það er gott að venja sig á að taka þær af í lok dags þegar börnin sofna.
Í hvert skipti sem þú hvessir þig eitthvað við barnið þitt eða reiðist, þarftu að færa eina hárteygju yfir á hina höndina. Markmiðið er að enda daginn með allar teygjurnar á hendinni án þess að hafa fært þær yfir daginn. En hvað ef þú gleymir þér bregst við með hætti sem þú sérð eftir?
Ef þú gleymir þér getur þú náð einni teygju til baka með því að gera fimm jákvæða og einfalda hluti til þess að tengjast barninu betur. Kelly segir að rannsóknir sýni að fyrir hvert skipti sem þú átt neikvæð samskipti í sambandi þurfir þú fimm jákvæð samskipti til þess að jafna það út.
