Á föstudaginn næstkomandi hefjast fjölskyldustundir í Borgarbókasafninu í Kringlunni. Þá ætlar hún Sigga Dögg, kynfræðingur, að halda erindi um þau áhrif sem nýtt barn hefur á foreldra og hvernig fræða má börn frá fæðingu um líkamann, samþykki og ást.
Borgarbókasafnið Kringlunni býður nú í fyrsta sinn upp á fjölskyldustundir fyrir foreldra með ungabörn og börn á leikskólaaldri. Fjölskyldustundirnar verða vikulega á föstudögum kl. 14-15 og eru þær tilvalinn vettvangur fyrir nýbakaða foreldra til að hittast, bera saman bækur sínar og deila reynslu sinni í notalegu og hlutlausu umhverfi. Þroskaleikföng verða á staðnum fyrir börnin og kaffi og te fyrir fullorðna. Öðru hverju verður boðið upp á viðburði eða fræðslu sem tengist uppeldi og foreldrahlutverkinu.
Allir velkomnir og frítt inn.
