Daði Freyr Pétursson hefur sent frá sér fyrsta lagið af væntanlegri plötu.
Lagið er eftir Daða sjálfan og myndbandi við lagið er leikstýrt af honum og kærustu hans, Árnýju Fjólu. Faðir Daða, Pétur Einarsson, sá um kvikmyndatökuna.
„Það er tekið upp á Norðurgarði sem er sveitabærinn hjá fjölskyldu Árnýjar og kýrnar þeirra fara með stórt hlutverk,“ segir Daði Freyr.
Daði Freyr deilir laginu á Twitter og segir „Ég hef verið spurður hvernig við fengum kýrnar til að vera svona góðir áhorfendur í myndbandinu fyrir Skiptir ekki máli. Svarið er: Ég setti lagið í gang.“