Adele er tvímælalaust ríkasta stjarna Breta af yngri kynslóðinni, þrátt fyrir að hafa ekki farið í tónleikaferðalag í meira en ár.

Hin þrítuga Adele jók tekjur sínar um 15 milljónir punda síðustu 12 mánuði, sem þýðir að eign hennar er um 147,5 milljón punda samkvæmt Heat tímaritinu.

Tónleikaferðalag hennar sem lauk í júní 2017 færði henni 42 milljónir punda í tekjur. Hún hefur ekki komið fram síðan og hafnaði boði upp á 1 milljón punda um að koma fram í einkaboði.

En það er kannski engin þörf á að vinna þegar þú færð 9 milljónir punda í kassann fyrir plötusölu eingöngu, sem er það sem gerðist 2017.

Adele ver tímanum í rólegheitum heima hjá sér í Kaliforníu, en splæsti í Titanicþema fyrir síðasta afmæli sitt og greiddi brúðkaupið fyrir besta vin sinn, Alan Carr.

Næstur á listanum yfir ríkustu bresku stjörnurnar undir þrítugu er Ed Sheeran með 94 milljónir punda og sá þriðji er Harry Potter, Daniel Radcliffe, með 87 milljónir punda.

Fyrrum meðlimur New Direction, Harry Styles, vermir fjórða sætið með 58 milljónir punda, síðan leikkonan Emma Watson með 55 milljónir punda.

Í sjötta sæti er Little Mix stúlknasveitin með 48 milljónir punda, sem er að mestu tilkomið vegna tónleikahalds og vara á borð við sjampó og dúkkur.

Restina af topp tíu listanum skipa Niall Horan, sem var einnig í New Direction, með 46 milljónir punda, Louis Tomlinson með 44 milljónir punda, Liam Payne með 43 milljónir punda og Zayn Malik með 37 milljónir punda.