Þorsteinn Sindri Baldvinsson, betur þekktur sem Stony, hefur landað hlutverki í myndinni Life in a Year. Óhætt er að segja að þetta sé stærsta verkefni þessa unga Akureyrings til þessa en í myndinni leika, auk Þorsteins, Terrence Howard, Cara Delevingne og Jada Smith.
Fréttavefurinn Miðjan.is greindi frá þessu á fimmtudag en um er að ræða aukahlutverk í myndinni. Stony hefur ekki setið auðum höndum undanfarin misseri því auk þess að leika í kvikmyndum og sjónvarpsþáttum hefur hann haslað sér völl á sviði tónlistar með góðum árangri.
