Stefán Karl Stefánsson leikari deilir á Facebook-síðu sinni myndbandi af sprenghlægilegu hláturskasti áhorfenda á sýningu Með fulla vasa af grjóti í gær. Stefán Karl segir að hann og Hilmir Snær Guðnason hafi einfaldlega þurft að stoppa sýninguna. Hlusta má á hláturskastið hér fyrir neðan.
„Í gærkvöldi fékk einn áhorfandinn á „Grjótinu“ svo óstöðvandi og smitandi hláturskast að við urðum hreinlega að stoppa því við vorum farnir að hlægja uppi á sviði sjálfir. Það getur allt gerst á sýningum og stundum hreinlega ræður maður ekki við sig. Áhorfandi í salnum tók eina hláturrokuna upp á símann sinn því til sönnunar og sem algera undantekningu enda var þarna komið undir lok sýningar,“ skrifar Stefán Karl á Facebook.
