Skúli Mogensen forstjóri WOWair birti mynd af sér á sjúkrarúmi, nýkominn úr aðgerð. Í stuttri hugvekju sendir hann skilaboð til þjóðarinnar. Um leið og hann bendir Íslendingum á að þeir séu heppnir að búa hér á landi hvetur hann fólk til að vera jákvætt og hrósa hvort öðru.

Skúli segir:

„Við Íslendingar erum heppin þjóð á flestum sviðum og mikið svakalega væri gaman ef við gætum byrjað að samgleðjast og hrósa hvort öðru í staðinn fyrir þetta endalausa svartsýnis og neikvæðis rövl. Í dag fór ég í krossbandsaðgerð hjá frábærum læknum og hjúkrunarliði og vil ég þakka kærlega fyrir frábæra þjónustu og störf. Takk Sveinbjörn Brandsson & Co.“