Í Plath-fjölskyldunni eru ellefu manns. Mamma, pabbi og níu börn á aldrinum 6 til 21 árs. Lifnaðarhættir Plath-fjölskyldunnar mættu teljast nokkuð óhefðbundnir, allavega í nútímasamfélagi. Það er mjög takmörkuð tækni á heimili þeirra. Börnin hafa aldrei horft á sjónvarpsþætti, spilað tölvuleiki eða borðað sykur.

Plath-fjölskyldan fékk nýverið eigin raunveruleikaþátt á TLC, Welcome To Plathville og vekur lífsstíll fjölskyldunnar mikla athygli.

Fjölskyldan býr á stóru sveitabýli í Suður-Georgíu. Tvö elstu börnin eru gift. Dóttirin Hosanna, 20 ára, er flutt að heiman með eiginmanni sínum en Ethan, 21 árs, flutti með eiginkonu sinni 15 mínútur frá heimilinu þar sem hann ólst upp.

Eins og fyrr segir þá eru lifnaðarhættir fjölskyldunnar öðruvísi en við flest þekkjum í dag. Lítil sem engin tækni, enginn sykur og engin dægurmálamenning. Þú getur vitnað eins mikið í Justin Bieber texta og þú vilt, þau fatta það ekki.

Kolsýrðir drykkir hafa aldrei verið á heimili þeirra. „Þau vita hvað kók er, en þau vita ekki hvað kók „er“. Trúið þið því!? Það er ótrúlegt þegar ég hugsa um það,“ segir fjölskyldufaðirinn

Eftir að Ethan giftist Oliviu hefur ýmislegt breyst. Hann hefur smakkað kók, drukkið áfengi og farið á körfuboltaleik.

Myndband af honum smakka kók í fyrsta skipti er frekar krúttlegt þar sem hann er sakleysið uppmálað. Þú getur horft á það í spilaranum hér að neðan. Það byrjar á sekúndu 2:13.