Leikarinn Peter Greene, sem þekktur var fyrir hlutverk sín í Pulp Fiction og Mask auk fleiri mynda, fannst látinn í íbúð sinni í Lower East Side þann 12. desember 2025. Hann var sextugur að aldri.
Dánarorsök Greene hefur nú verið afhjúpuð, tveimur mánuðum eftir andlátið. Lést hann af skotsári í vinstri handarkrika og áverka á höfuðslagæð, samkvæmt upplýsingum frá yfirlækni á miðvikudag.
Samkvæm TMZ sem greindi fyrst frá fréttinni, mun Greene hafa skotið sig óvart í vinstri handarkrika og kúlan síðan valdið skemmdum á slagæðinni sem flytur blóð um líkamann til handleggs, olnboga, framhandleggs og handar.
Greene var úrskurðaður látinn í íbúð sinni við Clinton-stræti um klukkan 15:25. Lögreglan sagði á þeim tíma að ekki væri grunur um saknæmt athæfi.
Umboðsmaður hans, Gregg Edwards, minntist Greene sem „frábærs gaurs“ í yfirlýsingu.
„Sannarlega einn af frábærum leikurum kynslóðar okkar. Hjarta hans var eins stórt og það var,“ sagði Edwards. „Ég mun sakna hans. Hann var frábær vinur.“
Edwards sagði einnig að Greene hafði verið bókaður í skurðaðgerð til að fjarlægja góðkynja æxli nálægt lunga hans daginn sem hann fannst látinn og að leikarinn hefði verið algerlega eðlilegur í síðasta símtali þeirra.
„Hann var að tala um þetta og vona að ég yrði heill á húfi og óskaði mér alls hins besta eins og ég óskaði honum alls hins besta,“ sagði umboðsmaðurinn um síðasta samtal þeirra. „Við erum góðir vinir. Ég elska gaurinn … Við vorum vinir í meira en áratug.“
Nágranni hélt því fram að Greene hefði fundist liggjandi á grúfu á gólfinu með undarlegan miða þegar lögreglan fann lík hans.
„Peter lá á gólfinu, á grúfu, með andlitsáverka, blóð alls staðar …,“ sagði nágranni við New York Daily News á þeim tíma. „Ég er ennþá Westie,“ stóð á undarlega miðanum, sem að sögn vísar til írsk-amerískra gengisins frá áttunda áratugnum sem starfaði frá Hell’s Kitchen.
Fyrir andlát sitt var Greene að búa sig undir að leika í sjálfstæðri spennumynd með Mickey Rourke sem hét Mascots.
Greene fæddist í Montclair í New Jersey árið 1965 og varð þekktur fyrir að túlka illmenni á tíunda áratugnum. Tvö af vinsælustu hlutverkum hans voru sadíski öryggisvörðurinn og raðmorðinginn Zed í Pulp Fiction eftir Quentin Tarantino árið 1994 og óheiðarlegi mafíuforinginn Dorian Tyrell í The Mask eftir Chuck Russell sama ár.
Greene, sem átti yfir 95 hlutverk að baki þegar hann lést, lék einnig í öðrum vinsælum kvikmyndum á borð við Laws of Gravity, Clean, Shaven, Blue Streak og Training Day.
„Hann var einn besti karakterleikari jarðarinnar,“ sagði umboðsmaður Greene eftir andlát leikarans. „Hann var góður vinur. Hann var elskaður og verður saknað. Enginn lék vondan mann betur en Peter. En hann hafði líka blíða hlið sem flestir sáu aldrei, og hjarta úr gulli.“
