Bandaríski stórleikarinn Brad Pitt var nær  óþekkjanlegur á tökustað nýjustu myndar sinnar, The Riders.

Pitt (62) er nú við tökur myndarinnar í Aþenu í Grikklandi og veifaði til ljósmyndara þegar hann yfirgaf tökustað.

Á öðrum myndum sem teknar voru á miðvikudag er leikarinn auðþekktur.

Myndin, sem byggir á samnefndri skáldsögu frá 1994 eftir Tim Winton, fjallar um Scully (sem Pitt leikur), ástralskan mann sem ferðast um Evrópu ásamt ungri dóttur sinni Billie, í leit að eiginkonu sinni sem yfirgaf feðginin.

Á meðal annarra leikara eru Michael Smiley, Camille Cottin, Ulrich Thomsen, Lara Pulver og Kimonas Kouris.