Sjónvarpsstjarnan Jacueline Matter giftist kærasta sínum Wes á íslandi fyrir skemmstu. Hún segir að allt hafi gengið að óskum og Ísland hefði verið allt sem hún ímyndaði sér.
„Þetta var ótrúlegt. Þetta var allt sem ég hafði ímyndað mér og meira til,“ sagði Jacqueline í útsendingu Fox News þar sem hún starfar sem fréttakona.
Matter, sem er frá Norður Karólínu, hefur lesið fréttir á Fox í fjögur ár. Hún stýrir einnig þáttum þar sem fjallað er um sönn sakamál.
Jacqueline og Wes hafa verið saman í átta ár og trúlofuð í tvö. Þau sögðu engum frá því að þau hygðust gifta sig á Íslandi heldur stungu af. Þau hringdu í foreldra sína og sögðu þeim þetta þegar þau voru á leið út á flugvöllinn.
Hjónin nýgiftu létu mynda sig við marga af þekktustu ferðamannastöðum Íslands. Þar á meðal við Jökulsárlón og Reynisfjöru.
