Stjörnuparið Bennifer, það eru leikarinn Ben Afflec og söng- og leikkonan Jennifer Lopez, eru að skilja. Það er Jennifer sem sótti um skilnað að sögn erlendra fjölmiðla. Það gerði hún í gær og kemur fram í skilnaðarumsókninni að þau hafi verið skilin að borði og sæng síðan í lok apríl.
Fyrr á árinu aflýsti Jennifer tónleikaferð um Norður-Ameríku í kjölfar þess að orðrómur var á kreiki um yfirvofandi skilnað þeirra.
Tvö ár voru í gær síðan þau gengu í hjónaband.
Hvorugt þeirra vill tjá sig um málið.
