Hann náði um tíma sjö ára edrúmennsku, eignaðist fjölskyldu og börn og lifði ósköp venjulegu lífi. Síðan bankaði sjúkdómurinn upp á og tók yfir líf hans. Hann kynntist þá krakki og missti vitið í kjölfarið, bókstaflega. Hann endaði á fíknigeðdeild og lýsir tímabilinu sem tók við í spilaranum hér að neðan. Brotið er hluti af nýjasta þætti af Fókus sem má horfa á í heild sinni hér.
Þú getur einnig hlustað á Spotify, Apple Podcasts og hlaðvarpsþjónustu Google.
Sjá einnig: Missti vitið út af krakkneyslu – „Það kom lögreglubíll og sjúkrabíll og þeir tóku mig bara úr umferð“
„Inni á geðdeild hringdi ég í ömmu mína. Ég var sendur til hennar þegar ég var í níunda og tíunda bekk, ég var vandræðagemsi eða hvað sem við köllum það. Ég hringdi í hana og spurði: „Amma, má ég koma til þín í sveitina?“ Hún sagði já og viku seinna var ég kominn til hennar, á sveitabæ rétt hjá Djúpavogi,“ segir Ísak.
„Ég ætlaði að halda áfram að liggja en amma mín… hún dó fyrir stuttu og ég er ennþá að syrgja hana […] hún var algjör engill. Hún tók það ekki í mál. Hún var svona týpa: „Þú liggur ekki allan daginn.“ Hún fann verkefni fyrir mig. Ég sagði: „Amma, þú skilur ekki hvaðan ég er að koma, ég er búinn á því.““
Amma hans hélt nú ekki. Hann átti að drífa sig á fætur og koma með henni út að tína köngla.
Þá byrjaði boltinn að rúlla og hægt og rólega fór Ísak að líða betur. Hann byggði sig upp, byrjaði að vinna á leikskóla á Egilstöðum. „Ég ætlaði ekki að vinna en amma tók það ekki í mál og sagði mér að sækja um. „Nú ferð þú bara að lifa lífinu,“ sagði hún. Þetta er ein skemmtilegasta vinna sem ég hef unnið,“ segir hann.
Eftir þennan tíma sneri Ísak aftur í höfuðborgina, óviss um hvaða stefnu líf hans myndi taka og hvaða verkefni biðu hans.
„Það fallega við þetta, það er mikið af fólki í kringum mig sem elskar mig, það er mín blessun vegna þess að það eru margir sem hafa engan,“ segir Ísak.
„Kannski ágætt að koma því að, það versta sem foreldri getur gert gagnvart börnunum sínum, ef þau eru komin í neyslu, er að loka á þau. Það held ég að hafi haft ein afdrifaríkustu áhrif á líf mitt og mitt trauma og mínar tilfinningar, þegar að fjölskyldan lokar á mig. Þá er engin leið út. Þá er ég ekki lengur partur af samfélagi, ég er ekki tengdur. Þá hefur maður engu að tapa. Ef foreldrar eru að díla við þetta, auðvitað á maður ekki að ýta undir neyslu hjá öðrum eða neitt slíkt. En maður á alltaf að bjóða fólki útgönguleið.“
Gatan er hættulegur staður og sérstaklega fyrir átján ára áhrifagjarnan dreng. Þar kynntist Ísak eldra fólki sem kynnti honum fyrir sterkari efnum.
Hann ræðir þetta nánar í spilaranum hér að ofan. Smelltu hér til að horfa á þáttinn í heild sinni eða hér til að hlusta á Spotify.
Fylgstu með Ísak á Instagram og hlustaðu á tónlistina hans á Spotify. Hann er að fara að gefa út nýja plötu í sumar.
