Enska leikkonan Kate Winslet er gráti næst þegar hún minnist þess að hafa verið líkamssmánuð á hátindi frægðarinnar eftir leik hennar í Titanic. Í viðtalið við 60 minutes, sem birt var sunnudaginn 1. desember, fór Winslet yfir ferilinn.

Þegar hún ræddi hlutverk sitt í Titanic, hlutverkið sem skaut henni upp á stjörnuhimininn, var henni sýnd klippa E! News frá rauða dreglinum á Golden Globes verðlaunahátíðinni árið 1998. Þar ganga hún og meðleikari hennar Leonardo DiCaprio og má heyra fréttaþulinn segja að Winslet hafi verið eins og hún hafi verið brædd og hellt í kjólinn  og að ef hún hefði tekið kjólinn tveimur stærðum stærri þá hefði hún líklega verið í lagi.

„Þetta er alveg skelfilegt,“ svaraði Winslet spurð út í þessi ummæli. „Hvers konar manneskja ertu að segja eitthvað svona um unga leikkonu sem er bara að reyna að átta sig á hlutunum?“

„Ég lét þá heyra það. Ég sagði: „Ég vona að þetta ásæki þig,“ sagði hún aðspurð um hvort hún hefði einhvern tíma rætt við þá fjölmiðlamenn sem líkamssmánuðu hana.

„Þetta var frábær stund. Þetta var frábær stund vegna þess að þetta var ekki bara fyrir mig, þetta var fyrir allt fólkið sem varð fyrir slíkri áreitni. Þetta var skelfilegt, mjög slæmt.“

Winslet lék nýlega í Lee, ævisögu sem fjallar um ljósmyndarann Lee Miller þegar hún greindi frá atburðum síðari heimsstyrjaldarinnar fyrir Vogue. Winslet framleiðir jafnframt myndina.

„Fólk hefur sagt við mig að ég sé svo hugrökk í hlutverkinu, ég hafi ekki verið neitt förðun og ég sé með hrukkur. Eigum við að segja við karlmennina: „Ó, þið voruð svo hugrakkir fyrir þetta hlutverk, að þið létuð ykkur vaxa skegg“, spyr Winslet. „Þetta er ekki hugrekki, þetta kallast að leika hlutverk.“

„Ég held að konur almennt, við erum alltaf harðar við okkur sjálfar. Þetta er hræðileg orkusóun og ég vil aldrei líta til baka á líf mitt og hugsa með mér: „Ég vildi að ég hefði verið betri við sjálfan mig.“ Mig langar að gera það núna og er alltaf að gera það,“ sagði Winslet við Women in Film Gala í október.