Klum var eins og opin bók í viðtali hjá The Times. Hún ræddi um kynlíf hennar og eiginmanns hennar og tónlistarmannsins, Tom Kaulitz, sem er sautján árum yngri.
Heidi Klum er 51 árs og tónlistarmaðurinn er 34 ára.
„Ég er ekki feimin við að vera kvenleg. Ég elska að klæða mig í föt sem sýna brjóstaskoruna, að klæðast stuttum pilsum, háum hælum og fallegum sokkabuxum, en það þýðir ekki að ég vilji fara heim með þér,“ sagði hún.
„Þetta er bara persónuleiki minn. Af hverju ekki? Ég vil hafa gaman og sýna líkama minn, en ég er með mín mörk, eins og allar aðrar konur.“
Klum á fjögur börn. Leni, 20 ára, Henry, 19 ára, Johan, 17 ára, og Lou, 15 ára.
Klum byrjaði með Kaulitz árið 2018 og þau gengu í það heilaga ári seinna.
Aðspurð hvaða hreyfing henni finnst skemmtilegust til að halda sér í formi svaraði Klum: „Sport en chambre er uppáhalds æfingin mín, þetta hljómar betur á frönsku,“ sagði hún. En hægt er að lauslega þýða það sem svefnherbergisleikur.
„Kynlífið er mjög gott. Eiginmaður minn er jafnoki minn [í svefnherberginu].
Klum fór um víðan völl í viðtalinu og ræddi einnig um gagnrýnina sem hún og dóttir hennar fengu eftir að hafa setið saman á nærfötunum fyrir undirfatamerkið Intimissimi.
Hún sagði mæðgurnar hafa öðruvísi viðhorf gagnvart myndavélinni.
„Dóttir mín er svo róleg yfir þessu öllu saman,“ sagði hún.
„Fyrir mig eru myndavélarnar vinir mínir. Ég þurfti að læra að þetta væri bara manneskja að smella mynd, að fanga það sem þú ert að gefa frá þér: Þú leikur við linsuna, ekki manneskjuna.“
Klum sagði Leni vera meiri „strákastelpu“ (e. tomboy). „Hún hefur engan áhuga á fötunum mínum,“ sagði hún.
Sjá einnig: Heidi Klum og dóttir aftur saman í nærfatamyndatöku þrátt fyrir gagnrýni
