Sjónvarpsstjarnan Sharon Osbourne dauðsér eftir því að hafa notað Ozempic. Hún léttist allt of mikið allt of hratt og nær ekki að bæta aftur á sig.

Útlit Sharon, 72 ára, hefur vakið mikla athygli og áhyggjur undanfarið, en hún varð mjög grönn og beinaber í kjölfar Ozempic notkunar.

Sharon Osbourne steps out with rarely seen daughter Aimee, shows off 30-pound weight loss in London https://t.co/eisTD2PYmZ pic.twitter.com/k4Rs4gEKjs

— Page Six (@PageSix) September 29, 2023

Fyrir ári síðan sagði Sharon í spjallþætti Piers Morgan að hún væri orðin „of grönn“ eftir að hafa notað Ozempic til að grennast og að matarlystin hennar væri ekki komin að fullu til baka.

„Ég varð að hætta. Ég vildi ekki verða svona grönn en það bara gerðist,“ sagði hún og bætti við: „Ég bæti þessu örugglega á mig aftur.“

Nú er ár liðið og ekkert gengur. Samkvæmt heimildarmanni RadarOnline telur Sharon að „þessi megrunarlyf hafi eyðilagt brennsluna hennar og að það sé engin leið fyrir hana til baka.“

Heimildarmaðurinn bætti við: „Hún getur ekki bætt aftur á sig, og hún þarf að þyngjast af heilsufarslegum ástæðum. Þetta sýnir bara hætturnar við þessi lyf sem lofa árangri strax (e. quick fix).“