Kristín Elísabet Gunnarsdóttir skrifar: 

Valgerður Guðsteinsdóttir, atvinnukona í hnefaleikum, heldur áfram að bæta við hnefaleikasögu Íslands en hún er að undirbúa sig fyrir sinn stærsta bardaga hingað til, sem er á vegum stærsta MMA-sambands veraldar, UFC. Bardaginn fer fram á Írlandi þann 20. september næstkomandi og etur Valgerður kappi gegn hinni írsku Shauna Okeeffe, the Irish Hammer, sem er að taka þátt í sínum þriðja atvinnubardaga.

Valgerður hefur verið brautryðjandi í hnefaleikum kvenna á Íslandi og er bara rétt að byrja. Hún hefur skapað sér nafn á stuttum tíma og er án nokkurs vafa með hæfileika af náttúrunnar hendi í íþróttinni. Þetta verður hennar þrettándi atvinnubardagi. Hún hefur verið á fullu við að undirbúa sig með hnefaleikaþjálfaranum Oscar Luis og Kristínu Gunnarsdóttur frammistöðuþjálfara (Sport Performance Coach), eiganda Better Elite Performance, ásamt nuddaranum Óskari Grétusyni, eiganda Flowmassage.net. Bardagaklúbbarnir Mjölnir MMA og VBC hafa verið annað heimili Valgerðar í þessum undirbúningi og hefur Kírópraktorstofa Íslands einnig gegnt lykilhlutverki í boxferli Valgerðar.

Nú þegar er íslenskt áhugafólk um hnefaleika byrjað að skipuleggja ferð út á bardagann til að styðja Valgerði og upplifa þennan sögulega viðburð  í eigin persónu.

Þeir sem hafa áhuga á að styðja Valgerði mega endilega senda á valgerdurstrongboxing@gmail.com

Hægt verður að horfa á bardagann í beinni á ufcfightpass.com. Ef lesendur hafa áhuga á að fara út og sjá bardagann geta þeir nálgast miða á viðburðinn hjá Valgerði hér.

Mögulegir bakhjarlar og/eða styrktaraðilar sem vilja aðstoða Valgerði við að skrifa í sögubækurnar og verða þar með partur af slíku afreki, er ómetanlegt, því umgjörðin í undirbúning fyrir bardaga eins og þennan er afar kostnaðarsamt. Þeir sem hafa áhuga á að styðja Valgerði mega endilega senda á valgerdurstrongboxing@gmail.com.