Bókin kemur út á miðvikudaginn en hefur samt sem áður valdið talsverðum usla.
Sjá einnig: Rebel Wilson nafngreinir „asnann“ sem reynir að stoppa ævisögu hennar
Erlendir miðlar hafa undanfarið greint frá innihaldi bókarinnar og hefur ein saga vakið sérstaklega mikla athygli. Wilson heldur því fram að meðlimur bresku konungsfjölskyldunnar hafi boðið henni í kynsvall.
Wilson segir að atvikið átti sér stað árið árið 2014 þegar hún var í trylltu partýi hjá bandarískum tækniauðjöfur.
„Mér var boðið á síðustu stundu í partý hjá þessum tæknifrumkvöðli og milljarðamæringi, gaurinn sem bauð mér er fimmtándi eða tuttugasti í röðinni til að erfa bresku krúnuna, hann sagði við vin minn: „Við þurfum fleiri stelpur,““ skrifar leikkonan í bókinni en hún nafngreindi ekki einstaklinginn.
Hún sagði að það hafi verið miðaldaþema og partýið hafi verið haldið á búgarði fyrir utan Los Angeles.
„Partýið var ruglað. Karlmenn voru að keppa á hestum úti á túni, konur voru klæddar eins og hafmeyjur í sundlauginni. Eignin var gríðarstór og þar sem þetta var ágætis spotta frá borginni þá fengu gestir herbergi til að sofa yfir nóttina,“ segir hún.
Leikkonan segir að það hafi verið stór flugeldasýning „og svo allt í einu klukkan tvö um nóttina kom gaur með stóran bakka sem leit út fyrir að vera fullur af nammi. Ég sagði: „Úúú, er þetta nammi?“ Og gaurinn með bakkann sagði: „Nei, þetta er mollý [MDMA].“ Ég sneri mér að handritshöfundinum sem ég var að tala við, mjög hissa á svipinn og hann sagði: „Þetta er fyrir kynsvallið, það byrjar venjulega á þessum tíma.““
„Á þessu augnabliki meikaði athugasemdin sens um að það vantaði fleiri konur…“