Skartgripaframleiðandinn Vera Design og Kraftur tóku höndum saman um að vekja athygli á mikilvægi þess að njóta líðandi stundar. Vera Design hannaði þessa fallegu línu fyrir Kraft og rennur allur ágóði af sölu á línunni Lífið er núna til Krafts.
Kraftur er félag sem styður ungt fólk sem greinst hefur með krabbamein og aðstandendur þeirra.
„Lífið er núna einmitt á þessari stundu, og við eigum að lifa því til fulls alltaf. Einstakur skartgripur með kraftmiklum boðskap,“ segir um verkefnið.
Í fyrstu skartgripalínunni eru eiguleg armbönd og hálsmen sem byggja á sömu grunnhönnun, fallegri „Lífið er núna“ áletrun. Bæði armböndin og hálsmenin eru fáanleg í silfri og gulli í misgrófum eða fíngerðum útgáfum. Öll ættu því að finna eitthvað við sitt hæfi úr línunni.
Línuna má sjá og kaupa á sölustöðum VERA DESIGN og einnig á veradesign.is og kraftur.org.