Breska söngkonan Mel B sýndi það og sannaði nýlega að hún er í toppformi þegar hún sat fyrir í auglýsingaherferð breska nærfata- og sundfataframleiðandans Pour Moi. Fyrrum Spice Girls söngkonan er 48 ára og sat hún fyrir ásamt elstu dóttur sinni, Phoenix Brown, 24 ára, og móður sinni, Andrea Brown, 65 ára.
Herferðin ber yfirskriftina Eignaðu þér sjálfstraust þitt (e. Own Your Confidence). Í viðtali við tímaritið Women´s Health segir Mel B herferðina snúast um að láta konum „líða stórkostlega, hafa sjálfstraust og fagna konum af öllum stærðum, stærðum og aldri. Þetta snýst um að vera raunveruleg, ekki löguð til og að taka okkur ekki of alvarlega.“
Auk þess að styðja við og styrkja konur á öllum aldri og í öllum stærðum þá gefur fyrirtækið jafnframt framlag til Women´s Aid, góðgerðarfélags sem berst gegn heimilisofbeldi, en Mel B er þolandi og segir hún framlagið hafa gert myndatökuna og herferðina enn mikilvægari í hennar huga.
„Fyrir mig, eins og marga af þeim sem lifðu af, þá upplifði ég að allt vald hefði verið tekið frá mér og ég væri einangruð frá fjölskyldu minni og vinum. Þess vegna er þessi myndataka sérstaklega mikilvæg fyrir mig og að vinna hana með dóttur minni og mömmu og sýna okkar samband.“
Mel B og dóttir klæðast meðal annars toppi með tígrismynstri, sem minnir okkur á þann sem Mel B klæddist í myndbandi lags Spice Girls, Say You’ll Be There frá 1996.