Lukas Gage sló í gegn í fyrstu þáttaröð af vinsælu HBO-þáttunum White Lotus og nú nýlegast í fjórðu þáttaröð af You á Netflix.
Eftir að hann skaust upp á stjörnuhimininn hafa aðdáendur haft mikinn áhuga á ástarmálum hans en hann hefur hingað til viljað halda þeim fyrir sig. Þar til í gær, þegar hann var gestur í spjallþættinum Today. Hann staðfesti grunsemdir margra, að hann væri í sambandi með Chris Appleton.
Lukas Gage is here!
He talks about his character on ‘You,’ how he feels being involved with so many of the most popular shows like ‘Euphoria’ and ‘The White Lotus,’ and opens up about feeling ‘very much in love’ with Chris Appleton. pic.twitter.com/gKCmJBwMNJ
— TODAY (@TODAYshow) March 27, 2023
Chris er hárgreiðslumaður fræga og fína fólksins, meðal annars raunveruleikastjörnunnar Kim Kardashian og söngkonunnar Jennifer Lopez. Hann nýtur einnig mikilla vinsælda á samfélagsmiðlum og hefur slegið í gegn á TikTok fyrir að uppljóstra hárleyndarmálum sínum.
„Ég er mjög hamingjusamur, mér finnst ég mjög heppinn og er mjög ástfanginn,“ sagði Lukas í þættinum.
Þáttastjórnendur settu nokkrar myndir af parinu upp á skjáinn. „Hann er myndarlegur maður!“ sagði Lukas um kærasta sinn.
„Við höfum gaman saman, við förum í ævintýri. Þetta er yndislegt,“ sagði hann.
View this post on Instagram
Chris staðfesti einnig samband þeirra í spjallþætti Drew Barrymore. „Ég er mjög hamingjusamur og mjög ástfanginn. Ég er mjög þakklátur fyrir að fá að eyða tíma mínum með einhverjum sérstökum. Ást er einstök,“ sagði hann.