Stórfjölskyldan er sameinuð á jólum, börnin koma hlaupandi til ömmu sinnar með jólapakka, en hún svarar þeim ekki og horfir bara fjarræn á svip út um gluggann.
„Hvernig hefur hún það?“ spyr dóttir hennar föður sinn. „Hún á góða daga og slæma, en ástin er alltaf til staðar,“ svarar faðirinn. Aðspurður um hvort hún eigi fleiri slæma daga en góða, svarar faðirinn að suma daga þekki hún hann ekki.
Ung kona, ömmubarn hennar, stendur upp, gengur að ömmunni og segir: „Gerum daginn í dag að góðum degi.“ Saman fara þær svo út í bílskúr, setjast inn í bíl, spenna beltin, setja tónlist á og keyra af stað.
Rétt er að taka vasaklútinn fram áður en horft er á þessa fallegu og hjartnæmu jólaauglýsingu um minningar úr fortíðinni og samverustundir fjölskyldunnar úr smiðju bílaframleiðandans Chevrolet. Auglýsingin er samstarf Chevrolet og Alzheimersamtakanna.
